Enski boltinn

Óbólu­settir Real og Chelsea menn mögu­lega úti­lokaðir frá leikjum í Meistara­deild

Óskar Ófeigur Jónsson skrifar
Romelu Lukaku og félagar í Chelsea gætu verið án manna í seinni leiknum á móti Lille.
Romelu Lukaku og félagar í Chelsea gætu verið án manna í seinni leiknum á móti Lille. Getty/James Williamson

Hertar sóttvarnarreglur franskra stjórnvalda gætu haft áhrif á leiki frönsku liðanna í sextán liða úrslitum Meistaradeildarinnar. Reyndar ekki á frönsku liðin heldur andstæðingar þeirra.

Real Madrid og Chelsea mæta bæði frönskum liðum í útsláttarkeppninni og svo gæti farið að óbólusettir leikmenn liðanna fá ekki inngöngu á leikvanganna í Frakklandi.

Real Madrid spilar fyrri leikinn sinn á móti Paris Saint-Germain í Frakklandi 15. febrúar en Chelsea spilar seinni leik sinn í sextán liða úrslitunum á móti Lille í Frakklandi 16. mars.

Nýju COVID-19 reglurnar hljóma þannig að aðeins bólusettir mega sækja stóra viðburði á leikvöngum eða í íþróttahöllum. Roxana Maracineanu, íþróttaráðherra Frakka, sagði í síðustu vikur að reglurnar nái yfir alla hvort sem það séu áhorfendur, keppendur, Frakkar eða útlendingar.

ESPN fékk það staðfest frá UEFA að liðin þurfi að virða þær sóttvarnarreglur sem eru í gildi í hverju landi fyrir sig.

Síðustu tölur frá ensku úrvalsdeildinni sýndu að sextán prósent leikmanna í deildinni höfðu ekki látið bólusetja sig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.