Fótbolti

Guð­laugur Victor og fé­lagar í Schalke 04 mis­stigu sig

Runólfur Trausti Þórhallsson skrifar
Guðlaugur Victor var fyrirliði Schalke 04 í dag.
Guðlaugur Victor var fyrirliði Schalke 04 í dag. Joris Verwijst/BSR Agency/Getty Images

Þýska stórliðið Schalke 04 náði aðeins jafntefli er Holstein Kiel kom í heimsókn á Veltins-völlinn í Gelsenkirchen í B-deildinni þar í landi, lokatölur 1-1. Guðlaugur Victor Pálsson var fyrirliði Schalke í leiknum.

Schalke 04 féll úr þýsku úrvalsdeildinni á síðustu leiktíð og þó fjárhagsstaða félagsins sé slæm þá var markið sett á að fara beint aftur upp í deild þeirra bestu. Það virðist ætla að reynast þrautin þyngri.

Lið Hólmberts Arons Friðjónssonar, Holstein Kiel, var í heimsókn í dag og eftir markalausan fyrri hálfleik voru það gestirnir sem komust yfir á 67. mínútu leiksins. Alexander Muhling með markið.

Simon Terodde jafnaði metin fyrir Schalke sjö mínútum síðar og þar við sat. Lokatölur 1-1 sem þýðir að Schalke er í 6. sæti með 31 stig að loknum 19 leikjum. 

Aðeins tvö stig eru upp í Heidenheim sem situr í 3. sæti deildarinnar. Þriðja efsta sæti deildarinnar leikur við liðið sem endar í þriðja næsta sæti úrvalsdeildarinnar að tímabilinu loknu í umspilsleik um hvort liðið verður í efstu deild á næstu leiktíð.

Guðlaugur Victor lék 85 mínútur í leiknum en Hólmbert Aron var ekki í hóp hjá Kiel.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.