Enski boltinn

Jamie Vardy bætist á meiðslalista Leicester

Hjörtur Leó Guðjónsson skrifar
Jamie Vardy meiddist í 1-0 sigri eicester gegn Liverpool síðastliðinn þriðjudag.
Jamie Vardy meiddist í 1-0 sigri eicester gegn Liverpool síðastliðinn þriðjudag. vísir/Getty

Markahrókurrinn Jamie Vardy mun ekki leika með Leicester næsta mánuðinn eftir að hann meiddist í 1-0 sigri Leicester gegn Liverpool á þriðjudaginn.

Vardy fékk aðhlynningu á vellinum eftir samstuð við varnarmann Liverpool, Joel Matip, en framherjinn kláraði þó leikinn. Vardy meiddist aftan í læri, en hann var ekki með í 6-3 tapi Leicester gegn Manchester City á öðrum degi jóla vegna sömu meiðsla.

Jamie Vardy er áttunda nafnið sem bætist á meiðslalista Leicester og næstu vikurnar verður erfitt fyrir Brendan Rodgers, þjálfara liðsins, að stilla upp sinni sterkustu framlínu.

Patson Daka verður frá næstu tvær til þrjár vikurnar og þá er Kelechi Iheanacho á leið á Afríkumótið með Nígeríu sem hefst þann 9. janúar, en úrslitaleikurinn fer fram þann 6. febrúar.

Ademola Lookman og Ayoze Perez verða því að manna framherjastöðurnar næstu vikurnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.