Tónlist

Föstudagsplaylisti Bergs Thomas Anderson

Hjalti Freyr Ragnarsson skrifar
Bergur býður upp á tónleiðslu á fyrstu sólóplötu sinni.
Bergur býður upp á tónleiðslu á fyrstu sólóplötu sinni. Katrina Niebergal

Bergur Thomas Anderson er tón- og myndlistarmaður sem hefur komið víða við, hefur m.a. verið bassaleikari sveitanna Sudden Weather Change, Grísalappalísu og Oyama, en á dögunum kom út hans fyrsta sólóplata.

Platan nefnist Night Time Transmissions og er gefin út af útgáfufyrirtækinu Futura Resistenza.

Plötuna segir Bergur vera útkomu langtíma rannsóknarverkefnis í heima pólifóníu og frásagnarlistar. Hún miðli tónlistarlegri sögu um heldrunarferli, kvíða sem tengist listamannalífinu, söng-heilun, hugleiðslu og sambandi listamanna við samfélag sitt.

Í eigin list vinnur Bergur mest með hljóð þessa dagana, oft í samtali við aðra miðla á borð við keramík, innsetningar og myndskreytingar. Hann vinnur einnig mikið með öðrum listamönnum, hvort sem það er í sköpun hljóðmynda fyrir gjörningaverk eða í að semja tónlist út frá upptökum af skúlptúrinnsetningu.

Þetta endurspeglast í plötunni nýútkomnu. „Ég tók plötuna upp sjálfur, með hjálp fjölmargra vina og radda; þ.á.m. með meðlimum úr Singing Club of Rotterdam, sem er opin tilraunakór sem ég hef unnið mikið með síðustu tvö árin,“ segir Bergur. Sigrún Gyða Sveinsdóttir kemur svo við sögu sem tveir karakterar á plötunni og Gunnar Gunnsteinsson á mikinn hlut í göldrunum sem þar má finna.

Bergur Anderson & The Transmitters, sem sett var saman fyrir útgáfutónleika plötunnar í Peach, Rotterdam. Frá vinstri til hægri: Bergur Anderson, Marloes de Vries, Clara J:son Borg, Linus Bonduelle, Katrina Niebergal, Manon Verkooyen, Gunnar Gunnsteinsson, Sigrún Gyða Sveinsdóttir og Vera Mennens. Á myndina vantar Mylan Hoezen, en öll tóku þau þátt í upptökuferli plötunnar.Ghislain Arnar

Þessa stundina er Bergur helst að semja nýja tónlist fyrir vídeóverk, þ.á.m. fyrir verk eftir kærustu sína, listakonuna Katrinu Niebergal.

„Föstudagsplaylistinn inniheldur lög og listamenn sem hafa áhrif á mig í tónskáldaferlinu, ásamt nokkrum lögum sem ég get ekki hætt að hlusta á þessa dagana,“ segir Bergur um listann. Hann má hlýða á hér að neðan.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.