Veður

Á­fram leika hlýjar suð­lægar áttir um landið

Atli Ísleifsson skrifar
Frá Egilsstöðum.
Frá Egilsstöðum. Vísir/Vilhelm

Þær hlýju suðlægu áttir sem hafa leikið um landið síðustu daga halda áfram sem þýðir að lítilla breytinga er að vænta í veðrinu.

Á vef Veðurstofunnar segir að í dag verði sunnan fimm til þrettán metrar á sekúndu, en tíu til fimmtán á norðanverðu Snæfellsnesi. Súld eða rigning á víð og dreif sunnan- og vestanlands en léttskýjað á Norðaustur- og Austurlandi.

„Áfram hlýtt í veðri og hiti á bilinu 11 til 21 stig og líkt og síðustu daga er hlýjast fyrir austan.

Heldur dregur úr vindi í nótt og fyrramálið, sunnan 3-8 m/s á morgun en áfram hvassara í vindstrengjum á norðanverðu Snæfellsnesi. Súld með köflum á Suður- og Vesturlandi en bjartviðri norðaustanlands. Síðdegis er síðan útlit fyrir vaxandi suðaustanátt með rigningu vestast á landinu. Hiti 11 til 17 stig.

Í lok vikunnar og um helgina er síðan von á lægðum sem líklega ná að brjóta upp munstur veðrakerfanna og því ætti að fylgja meiri fjölbreytileiki í veðrinu.“

Spákortið fyrir klukkan 15 í dag.Veðurstofan

Veðurhorfur á landinu næstu daga

Á fimmtudag: Sunnan átt, víða 5-10 m/s. Dálítil rigning með köflum um vestanvert landið og hiti 8 til 13 stig, en léttskýjað austantil á landinu og hiti 12 til 17 stig yfir daginn.

Á föstudag og laugardag: Sunnan 8-13 m/s og rigning á vesturhelming landsins, en hægari vindur og bjart með köflum austantil. Hiti 10 til 18 stig, hlýjast norðaustanlands.

Á sunnudag: Suðlæg átt og rigning af og til sunnan- og vestanlands, en þurrt norðaustantil. Hiti 10 til 18 stig, hlýjast á Norðausturlandi.

Á mánudag og þriðjudag: Útlit fyrir suðaustlæga eða breytilega átt og vætu víðast hvar á landinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.