Veður

Skýja­breiðan sem hylur landið mun ekki blása burt í dag

Atli Ísleifsson skrifar
Skýjað verður á landinu í dag.
Skýjað verður á landinu í dag. Vísir/Vilhelm

Yfir landinu liggur nú hlýtt og rakt loft og vegna hægviðrisins mun skýjabreiðuna sem hylur landið ekki blása burt í dag. Von er á áframhaldandi súld víða um land en þó útlit fyrir að það verði að mestu þurrt norðaustan- og austanlands.

Frá þessu greinir í hugleiðingum veðurfræðings á vef Veðurstofunnar þar sem segir að hiti verði víða á bilinu tólf til sautján stig yfir daginn. Hlýjast verður í innsveitum fyrir norðan.

Spákortið fyrir klukkan 14 í dag.

Veðurhorfur á landinu næstu daga

Á föstudag: Suðaustan 3-10 m/s og víða dálítil væta, en léttir heldur til á Norðausturlandi síðdegis. Hiti 11 til 16 stig.

Á laugardag: Austlæg átt 3-8 m/s en 8-13 m/s við suðurströndina. Skýjað og víða rigning en bjart með köflum norðan- og austanlands. Hiti 10 til 18 stig, hlýjast fyrir á Norðurlandi.

Á sunnudag: Suðaustan 5-10 m/s og dálítil rigning en hægari vindur og þurrt að kalla norðaustantil. Hiti 11 til 20 stig, hlýjast austanlands.

Á mánudag: Suðaustlæg átt og rigning en bjart með köflum norðaustan- og austanlands. Hlýnar heldur.

Á þriðjudag og miðvikudag: Útlit fyrir sunnan og suðaustan átt, léttskýjað að mestu og hlýtt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.