Bíó og sjónvarp

Fyrsta sýnishornið úr kvikmyndinni Skjálfti

Sylvía Rut Sigfúsdóttir skrifar
Frá tökum á kvikmyndinni Skjálfti. Hér má sjá Anítu Briem og Eddu Björgvinsdóttur í hlutverkum sínum.
Frá tökum á kvikmyndinni Skjálfti. Hér má sjá Anítu Briem og Eddu Björgvinsdóttur í hlutverkum sínum. Lilja Jónsdóttir

Í dag var frumsýnt fyrsta sýnishornið úr íslensku kvikmyndinni Skjálfti. Með aðalhlutverk fara Aníta Briem, Edda Björgvinsdóttir og Jóhann Sigurðsson.

„Þetta er mín fyrsta kvikmynd, ég skrifa bæði handrit og leikstýri en hún er byggð á skáldsögunni Stóra skjálfta eftir Auði Jónsdóttur.,“ segir Tinna Hrafnsdóttir í samtali við Vísi. Verkefnið hefur verið í vinnslu frá árinu 2016, þegar skrifað var undir samning um gerð myndarinnar. Árið 2015 hlaut bókin Stóri skjálfti bóksalaverðlaunin og var tilnefnd til íslensku bókmenntaverðlaunanna.

„Þegar Saga vaknar upp eftir heiftarlegt flogakast á Klambratúni man hún lítið sem ekkert hvað gerðist í aðdraganda þess. Í leit hennar að upplýsingum um sjálfa sig og sína nánustu fara minningar sem Saga bældi niður sem barn að koma upp á yfirborðið, minningar sem neyða hana til að horfast í augu við sjálfa sig og fjölskyldu sína sem tekist hafði að þegja ógnvænlegt leyndarmál í hel.“ segir hún um söguþráðinn. 

Sýnishornið má sjá í spilaranum hér fyrir neðan en myndin fer í sýningu í haust. 


Tengdar fréttir

Stóri skjálfti verður að kvikmynd

„Þetta er gríðarlega sterk og áhrifamikil saga og margt við efnistök höfundar sem er mjög spennandi fyrir kvikmyndamiðilinn.“

Fóru út fyrir boxið og viðbrögðin lyginni líkust

Verkefnið Veldu núna hefur vakið mikla athygli á Vísi síðustu daga en í þessum gagnvirka eltingarleik um götur Reykjavíkur gefst áhorfendum tækifæri á að stjórna atburðarrásinni með því að tala við snjalltækin sín.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.