„Kante á skilið að vinna Gullboltann“

Í síðustu viku varð Kante Evrópumeistari með Chelsea er þeir unnu Manchester City í úrslitaleiknum.

Kante var ótrúlegur í úrslitaleiknum og hann hefur vaxið og vaxið undir stjórn Thomas Tuchel.

Hann hefur verið það góður að Pogba segir að hann eigi skilið Gullboltann.

„Hvorki Ronaldo né Messi voru í undanúrslitunum í Meistaradeildinni svo það hefur verið gott fyrir varnar- og miðjumenn,“ sagði Pogba.

„Ég sagði fyrir löngu að þetta væri klárt; að ef Chelsea myndi vinna Meistaradeildina þá ætti Kante að fá Ballon d'Or. Það væri svo verðskuldað,“ bætti hann við.

Bæði Pogba og Kante verða væntanlega á miðjunni í ógnarsterku liði Frakklands á Evrópumótinu sem er framundan.