Erlent

Ingenuity lenti í vandræðum í sjöttu flugferðinni á Mars

Samúel Karl Ólason skrifar
Þessi mynd var tekin af Ingenuity á laugardaginn 22. maí. Þyrlan var þá á flugi í tíu metra hæð.
Þessi mynd var tekin af Ingenuity á laugardaginn 22. maí. Þyrlan var þá á flugi í tíu metra hæð. NASA/JPL-Caltec

Þyrlan Ingenuity flaug í sjötta sinn á Mars síðasta laugardag. Þyrlan flaug um rúmlega tvö hundruð metra vegalengd í um tíu metra hæð, þó bilun hafi komið upp þegar þyrlan átti um 65 metra eftir.

Á vef NASA segir að eftir um 150 metra flug hafi hraði þyrlunnar breyst og hún fór að halla fram og til baka og mest í meira en tuttugu gráður.

Ingenuity er fyrsta farartækið sem flýgur undir eigin afli á öðrum hnetti. Andrúmsloft plánetunnar rauðu er mun þynnra en andrúmsloft jarðarinnar. Þéttleiki þess er í raun bara eitt prósent af því sem við eru vön hér á jörðinni en á móti kemur að þyngdaraflið á mars er einungis þriðjungur af þyngdarafli jarðarinnar.

Þyrluspaðar Ingenuity munu snúast um 2.400 sinnum á mínútu, sem er um átta sinnum hraðar en hefðbundnar þyrlur gera á jörðinni.

Þyrlan ber tvær myndavélar en getur ekki tekið upp myndbönd. JPL birti þó stutt gif af flugi Ingenuity í gær.

Svo virðist sem að bilun hafi komið upp í stýrikerfi þyrlunnar svo hún misskildi myndirnar sem ein myndavélin sendi til stýrikerfisins. Myndirnar báru vitlausan tímastimpil og því var þyrlan sífellt að reyna að stilla sig af og gera breytingar á flugi sínu.

Þrátt fyrir það kláraði þyrlan flugið og hefur það að miklu leyti verið rakið til sérstaks búnaðar sem var einmitt hannaður til að koma þyrlunni til bjargar vegna galla, samkvæmt Håvard Grip, yfirflugmanni Ingenuity.

Hann segir að vegna þessa óvænta galla búi vísindamenn nú yfir enn betri upplýsingum um flug þyrla á Mars.

Ingenuity var upprunalega eingöngu ætlað að fljúga fimm sinnum og hefur vélmennið Perseverance, sem flutti Ingenuity til Mars hefur verið sent til annarra verka. Vísindamenn segja þyrluna þó tilbúna til fleiri flugferða og ætla sér að halda tilraunum sínum áfram.

Hér má sjá myndefni frá fimmtu flugferð Ingenuity.




Tengdar fréttir

Ingenuity flaug hærra og lengra en áður

Tilraunir með þyrilvængjuna Ingenuity á reikistjörnunni Mars héldu áfram um helgina. Þá fór litla þyrlan í þriðju tilraunaflugferð sína og sveif hærra og lengra en hún hafði nokkru sinni gert áður. Verkfræðingar leiðangursins ætla Ingenuity enn djarfari ferðir á næstunni.

Litlu Marsþyrlunni tókst ætlunarverkið

Fyrsta tilraunaflug þyrilvængjunnar Ingenuity á reikistjörnunni Mars gekk að óskum í morgun. Leiðangursstjórn bandarísku geimvísindastofnunarinnar NASA bárust fyrstu gögnin sem staðfestu að þyrlan hefði flogið og fyrstu myndirnar af tilrauninni.

Þyrlan á Mars: Fyrsta tilraunaflugferðin í morgun

Þyrilvængjan Ingenuity átti að reyna að fljúga í fyrsta skipti á reikistjörnunni Mars nú í morgun. Búist er við að upplýsingar um hvernig til tókst berist til jarðar nú fyrir hádegið. Hægt verður að fylgjast með því í beinni útsendingu á Vísi.

Perseverance lent en leitin að lífi hefst ekki strax

Lending vélmennisins Persverance, eða Þrautseigja, á Mars virðist hafa heppnast fullkomlega í gær. Fyrstu myndirnar frá vélmenninu bárust fljótt en það verður þó ekki hreyft fyrr en eftir nokkrar vikur.

Fyrsta ökuferð Perseverance á rauðu reikistjörnunni

Bandaríski könnunarjeppinn Perseverance notaði hjól sín í fyrsta skipti og ók stuttan spöl á reikistjörnunni Mars í gær. Enn er verið að búa tæki og tól jeppans fyrir fimmtán kílómetra langt ferðalag um yfirborð reikistjörnunnar næstu tvö árin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.