Veður

Suðvestan gola og él á víð og dreif

Atli Ísleifsson skrifar
Hiti verður á bilinu núll til sjö stig, en víða næturfrost.
Hiti verður á bilinu núll til sjö stig, en víða næturfrost. Vísir/Vilhelm

Veðurstofan gerir ráð fyrir suðvestan golu eða kalda í dag, fimm til tíu metrum á sekúndu. Léttskýjað á Norðaustur- og Austurlandi, annars él á víð og dreif. Hiti verður á bilinu núll til sjö stig, en víða næturfrost.

Í hugleiðingum veðurfræðings segir að á morgun verði ákveðin vestlæg átt og útlit fyrir sólríkan dag á Suðausturlandi, en dálítil él á norðausturhorninu. 

Síðan sé búist við sunnanátt með smá vætu og hægt hlýnandi veðri.

Spákortið fyrir klukkan 14 í dag.Veðurstofan

Veðurhorfur á landinu næstu daga

Á þriðjudag: Vestlæg átt 3-10 m/s. Víða léttskýjað á S- og A-landi, en dálítil él N-lands. Hiti um frostmark fyrir norðan, en upp í 7 stig syðra.

Á miðvikudag: Suðvestan 3-8, skýjað og lítilsháttar væta, en þurrt SA-til á landinu. Hiti 2 til 7 stig.

Á fimmtudag (sumardagurinn fyrsti) og föstudag: Suðlæg átt og dálítil rigning með köflum, heldur hlýnandi.

Á laugardag og sunnudag: Suðlæg átt og milt veður. Léttskýjað eystra, annars skýjað en úrkomulítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.