Veður

Skýjað með köflum og dá­litlar skúrir á víð og dreif

Atli Ísleifsson skrifar
Hiti á landinu verður víða fimm til tíu stig.
Hiti á landinu verður víða fimm til tíu stig. Vísir/Vilhelm

Gera má ráð fyrir fremur suðlægri átt í dag þar sem skýjað verður með köflum og dálitlar skúrir á víð og dreif. Bjart veður verður um landið norðaustanvert. Hiti víða fimm til tíu stig.

Í hugleiðingum veðurfræðings á vef Veðurstofunnar segir að reikna megi með suðvestan átta til þrettán metrum á sekúndu norðvestantil.

„Síðan hvessir dálítið á morgun með dálítilli vætu á svipuðum stöðum og í dag, en áfram bjart veður fyrir norðan og austan. Milt veður, hiti víða á bilinu 5 til 10 stig.

Spákortið fyrir klukkan 14 í dag.Veðurstofan

Veðurhorfur á landinu næstu daga

Á miðvikudag: Sunnan og suðvestan 8-13 m/s og dálítil væta, en léttskýjað norðaustan- og austanlands. Hiti 4 til 9 stig.

Á fimmtudag: Suðaustan og sunnan 15-20 m/s og víða talsverð rigning, en úrkomuminna á Norðurlandi. Hiti 6 til 14 stig, hlýjast norðanlands.

Á föstudag: Sunnan og suðvestan 8-15. Væta með köflum, en þurrt á Norður- og Austurlandi. Hiti 5 til 12 stig, hlýjast norðaustanlands.

Á laugardag: Suðlæg átt og rigning af og til, en þurrt um landið norðaustanvert. Hiti 3 til 9 stig.

Á sunnudag: Suðvestlæg eða breytileg átt og líkur á rigningu eða slyddu í flestum landshlutum. Hiti 1 til 6 stig.

Á mánudag: Útlit fyrir vestlæga átt og úrkomu um landið vestanvert en bjartara yfir og þurrt austantil. Hiti breytist lítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×