Ís­lensku skíða­konurnar allar úr leik eftir fyrri ferðina

Þær Hjördís Birna Ingvadóttir, Hólmfríður Dóra Friðgeirsdóttir, Katla Björg Dagbjartsdóttir og Sigríður Dröfn Auðunsdóttir voru allar meðal keppenda í dag. Féllu þær því miður allar úr leik í fyrri ferð keppninnar.

Sem stendur er Katharina Liensberger frá Austurríki með besta tímann en hún var jafnframt sú fyrsta sem renndi sér í dag. Þar á eftir kemur Petra Vlhova frá Slóvakíu á 0,3 sekúndum verri tíma en Liensberger. Vlhova er sem stendur efsta kona heimsbikarsins.

Wendy Holdener frá Sviss er í þriðja sæti og í fjórða sæti er Mikaela Shiffrin frá Bandaríkjunum en hún hefur sigrað á síðustu fjórum heimsmeistaramótum.