Gylfi fær norskan samherja

Hann mun skrifa undir stuttan samning við Everton en hann kemur frá Bournemouth. Núverandi samningur hans átti að renna út í sumar hjá B-deildarliðinu.

Everton mun borga litlar fimm milljónir punda fyrir Norðmanninn sem hefur viljað burt frá Bournemouth.

Norðmaðurinn var mikið í umræðunni síðasta sumar, eftir að Bournemouth féll úr deild þeira bestu, en hann tók í slaginn með Bournemouth í B-deildinni.

Hann hefur spilað tólf leiki fyrir Bournemouth í ensku B-deildinni á leiktíðinni þar sem þeir berjast um að komast á ný í ensku úrvalsdeildina.

King gat valið um Fulham og Everton á lokametrunum en nú renna öll vötn til Bítlaborgarinnar.