De Jong allt í öllu er Barcelona komst nær topp­liðunum

Runólfur Trausti Þórhallsson skrifar
De Jong var frábær í dag.
De Jong var frábær í dag. Jose Breton/Getty Images

Barcelona vann 0-2 útisigur á Elche í spænsku úrvalsdeildinni í dag. Hollenski miðjumaðurinn Frenkie De Jong skoraði fyrra markið og lagði upp það seinna. Sigurinn þýðir að Barca er áfram í þriðja sæti deildarinnar en nú með 37 stig, þremur stigum minna en Spánarmeistarar Real Madrid sem sitja í öðru sæti.

Börsungar eru hægt og rólega að finna ryðmann á tímabilinu og unnu góðan 2-0 sigur á útivelli í dag. De Jong kom þeim yfir á 39. mínútu og sá til þess að gestirnir leiddu með einu marki í hálfleik.

Það tók Börsunga töluverðan tíma að gera út um leikinn en varamaðurinn Ricard Puig skoraði á 89. mínútu eftir sendingu De Jong. Ronald Koeman getur þakkað markverði sínum að ekki fór verr í dag en Marc-Andre ter Stegen varði meistaralega einn á einn í stöðunni 0-1.

Lionel Messi lék ekki með Börsungum í dag. Framlína liðsins var því skipuð þeim Ousmane Dembele, Martin Braithwaite og Antoine Griezmann. Það dugði til sigurs í dag þökk sé frammistöðu De Jong á miðjunni.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.