Veður

Köldu norð­lægu áttirnar ekkert að gefa eftir

Atli Ísleifsson skrifar
Veðurstofan gerir ráð fyrir að það bæti heldur í vind og ofankomu fyrir norðan á morgun, en annars svipað veður.
Veðurstofan gerir ráð fyrir að það bæti heldur í vind og ofankomu fyrir norðan á morgun, en annars svipað veður. Vísir/Vilhelm

Köldu norðlægu áttirnar með ofankomu fyrir norðan og austan eru ekkert að fara að gefa eftir næstu daga. Einna helst er að sjá að hiti nái að skríða yfir frostmark syðst á landinu.

Þetta segir í hugleiðingum veðurfræðings á vef Veðurstofunnar í morgun. Spáð er norðan- og norðaustan átta til fimmtán metrum á sekúndu, en hvassara á stöku stað. Él á norðurhluta landsins, en bjart sunnan heiða.

Bætir heldur í vind og ofankomu fyrir norðan á morgun, en annars svipað veður. Frost víða 1 til 6 stig, en frostlaust syðst og austast.

Vetrarfærð er í flestum landshlutum og ófært á nokkrum leiðum eftir nóttina. Á Norður- og Austurlandi er víða skafrenningur eða éljagangur. Vegirnir um Ólafsfjarðarmúla og Siglufjarðarveg eru lokaðir vegna snjóflóðahættu.

Ófært er á Öxnadalsheiði og á milli Hofsós og Ketilsás. Þungfært er á milli Dalvíkur og Hjaleyrar einnig á Grenivíkurvegi. Þæfingsfærð er á milli Sauðárkróks og Hofsós, en nánari upplýsingar um færð á vegum má finna á vef Vegagerðarinnar.

Spákortið fyrir hádegið.Veðurstofan

Veðurhorfur á landinu næstu daga

Á föstudag og laugardag: Norðan 13-20 m/s og snjókoma eða él, hvassast SA-lands, en skýjað með köflum og þurrt að kalla sunnan heiða. Frost víð 0 til 5 stig, en sums staðar frostlaust við sjávarsíðuna.

Á sunnudag: Norðan 8-15 m/s og él, en léttskýjað S- og V-lands. Frost 1 til 8 stig, minnst syðst.

Á mánudag: Norðankaldi og víða dálítil él, en austlægari syðst og líkur á snjókomu þar. Harðnandi frost.

Á þriðjudag og miðvikudag: Útlit fyrir áframhaldandi norðaustlæga átt með úrkomu fyrir norðan og austan, en yfirleitt þurrt annars staðar. Áfram kalt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.