Lögfræðingur Hauks segir tveggja ára dóm koma verulega á óvart

Haukur Þór Haraldsson, fyrrverandi starfsmaður Landsbankans, var dæmdur í tveggja ára fangelsi fyrir fjárdrátt í Héraðsdómi Reykjavíkur í dag. Lögfræðingur hans segir niðurstöðuna koma sér á óvart.

Haukur Þór Haraldsson starfaði sem framkvæmdastjóri Landsbankans. Hann var sakfelldur fyrir að hafa millifært 118 milljónir króna af reikningi félagsins NBI Holdings inn á eigin reikning þann 8. október 2008. Aðeins tveimur dögum eftir að ljóst var að íslenska bankakerfið var hrunið.

Félagið NBI Holdings, sem var í eigu sjálfseignarsjóðs á Guernsey og laut stjórn Hauks hafði verið notað af bankanum til að halda utan um eignarhluti í fjármálafyrirtækjum. Með millifærslunni sagðist Haukur hafa ætlað að bjarga fénu frá því að verða að hverri annarri kröfu í þrotabú bankans síðar meir.

Þetta er í annað sinn sem Héraðsdómur Reykjavíkur dæmir í þessu sama máli en Haukur var áður sýknaður í Héraðsdómif. Hæstaréttur ómerkti hins vegar dóminn og vísaði málinu aftur til héraðs.

Gestur Jónsson, verjandi Hauks, sagði niðurstöðuna koma honum og umbjóðanda hans verulega á óvart. Sérstaklega þar sem annar dómari við sama dómstól hefði talið Hauk saklausan. Hann sagði ljóst að málinu yrði áfrýjað en Hauk 2 ára fangelsisdóms þarf Haukur að greiða Gesti um fjórar milljónir í málsvarnarlaun.