Íslensk rannsókn hjálpar til

Með aukinni hryðjuverkastarfsemi í heiminum hafa heilbrigðisyfirvöld víðs vegar vaknað til meðvitundar um þann möguleika að grípa þurfi til bólusetningar gegn bólusótt í stórum stíl. Viðamikil íslensk rannsókn ætti að geta nýst við þróun á nýju bóluefni og jafnframt sýnt hvort arfgengi skipti máli við vörnum gegn smitsjúkdómum.

Bólusótt var útrýmt árið 1977 og bólusetningu gegn veikinni hætt á íslandi árið 1978.

Ætla má að flestir Íslendinga sem nú eru 28 ára og yngri hafi enga vörn gegn bólusótt eða um 134 þúsund manns.

Bólusótt einn þeirra sjúkdóma sem talinn er koma til greina að hryðjuverkamenn beiti sem vopni. Sjúkdómurinn berst auðveldlega milli manna og dánartalan er há.

Birgðum af bólusóttarveirunni hefur verið haldið á sérstökum völdum öryggisrannsóknarstofum í Rússlandi og Bandaríkjunum og ekki er hægt að útiloka að veiruna sé að finna annars staðar.

Það yrði þó hægara sagt en gert að taka bólusetningu upp á ný því alvarlegir fylgikvillar eru umtalsverðir.

Safnað verður saman upplýsingum um þá sem urðu veikir af völdum bólusetningar gegn bólusótt og kannað hvort aukaverkanir stafa af meðfæddum og mögulega arfgengum eiginleikum.

Þar með aukast möguleikar á að segja fyrir um hverjir verði veikir við bólusetningu og hugsanlega koma í veg fyrir veikindin með sérstækum aðgerðum.