Tranmere Rovers er til sölu á Ebay - eigandinn ekki ánægður

Enska C-deildarliðið Tranmere Rovers Football Club er til sölu á ebay en eigandinn Peter Johnson hefur þó ekki mikið gaman af húmor Bandaríkjamannanna sem gáfu gestum ebay-síðunnar tækifæri á að bjóða í hið 125 ára gamla félag.

Tranmere Rovers hefur nýverið ráðið John Barnes í stöðu knattspyrnustjóra en hann tók við starfi Ronnie Moore sem var rekinn í júní.

„Þetta er ekki notað hjól sem er verið að selja," sagði Peter Johnson sem vill að félagið sitt verði tekið úr sölu af ebay-vefnum.

Það hefur enginn boðið ennþá í Tranmere Rovers en upphafsboð eru tíu milljónir dollara eða um 1200 milljónir íslenskra króna. Þeir sem vilja bjóða í Tranmere Rovers á ebay-síðunni geta gert það hér.