Liverpool væri með fimm stiga forystu ef allir dómar hefðu verið réttir

Aðeins eitt stig skilur að Manchester City og Liverpool á toppi ensku úrvalsdeildarinnar. Það gæti svo farið að eitt til tvö atriði geti ráðið úrslitum um hvort liðið verður enskur meistari í vor.

Bæði liðin unnu sína leiki um síðustu helgi en þá rangur dómur með Manchester City og á móti Liverpool. City braut ísinn og komst í 1-0 á ólöglegu marki í sínum leik og Liverpool lenti 1-0 undir á ólöglegu marki mótherjanna. Liverpool tókst þó að koma til baka og minnka forskot Manchester City aftur í eitt stig.

Fólkið á GiveMeSport síðunni vildi í kjölfarið á leikjum helgarinnar kanna það hvort að vitlausir dómar hafi hjálpað eða komið niður á liðunum tveimur í ensku úrvalsdeildinni á þessari leiktíð.  

Það er niðurstaða þessarar ópinberu og óformlegu rannsókn þeirra að Liverpool hafi misst fimm stig vegna rangra dóma í vetur og að Manchester City sé með einu stigi meira en það ætti að vera með hefðu allir dómar verið réttir.

Þetta þýðir sex stiga sveiflu. Í stað þess að Manchester City væri með eins stig forystu, 74-73, eins og staðan er í dag þá ætti staðan í raun að vera 78-73 fyrir Liverpool þegar átta leikir eru eftir.

Samkvæmt úttekt GiveMeSport þá átti Liverpool þannig að vinna leiki á móti Manchester City (2-1 tap) og Leicester City (1-1 jafntefli) hefðu dómar verið réttir. Manchester City hefði líka átt að vinna jafnteflisleik á móti Úlfunum á sömu forsendum.

Með því að smella hér má finna rökin fyrir því af hverju Liverpool ætti að vera með 78 stig í dag en Manchester City aðeins 73.