Vilja hindra kennitöluflakk

Eftirleiðis ætlar Vega­gerð ríkis­ins að kanna við­skip­ta­sögu stjórn­enda og helstu eig­enda fyrir­tækja sem bjóða í verk á vegum Vega­gerð­ar­inn­ar til að verjast kennitöluflakki. Jón Rögnvaldsson vegamála­stjóri segir að horft hafi verið til viðskiptasögu manna og fyrir hafi komið að tilboðum verktaka hafi verið hafnað vegna þess að menn hafi stundað kennitöluflakk.

"En þetta er í fyrsta sinn sem settar eru um þetta reglur með beinum hætti," segir hann. Markmið Vegagerðarinnar er að koma í veg fyrir ójafna samkeppni þátttakenda í opin­ber­um útboðum og á breytt verklag að koma í veg fyrir að þeir sem látið hafa ógreidd líf­eyris­sjóðs­gjöld og skatta, skuldir við birg­ja og jafn­­vel gömul dómsmál hverfa geti tek­ið þátt í opinberum útboðum.