Annríki hjá björgunarsveitum og lögreglu

Töluvert annríki var hjá björgunarsveitum í óveðrinu sem gekk yfir sunnan- og vestanvert landið í gær.

Bifreið fauk út af veginum við Húnaver í gærkvöld og slasaðist ökumaðurinn. Björgunarsveitir á Hellu og Hvollsvelli voru kallaður út um níu leitið í gærkvöld vegna flutningabíls, sem fokið hafði við Markarfljótsbrú. Ákveðið að fresta aðgerðum til björgunar hans til morguns. Þá urðu tugir umferðaróhappa á höfuðborgarsvæðinu.

Í Vestmannaeyjum þurftu bæjarbúar aðstoð björgunarmanna vegna ófærðar. Þakplötur flugu og fergja þurfti lausa hluti.

Í Reykjanesbæ þurfti einnig að kalla út björgunarsveit vegna fjúkandi þakplatna við Helguvík.