Skorar á Árna að hlekkja sig

Mótmælendur sem halda til við Kárahnjúka hafa vakið athygli á málstað sínum með ýmsum hætti og þótti sitt hverjum þegar nokkrir þeirra hlekkjuðu sig við vinnuvélar. Birgitta Jónsdóttir er ein af talsmönnum mótmælendanna við Kárahnjúka. Ertu hlynnt þeim aðgerðum mótmælendanna sem hlekkjuðu sig við vinnuvélarnar?Já, ég er hlynnt svona aðgerðum svo lengi sem enginn mannskaði hlíst af. Meira að segja Árni Finnsson formaður Náttúruverndarsamtakanna sagðist hlynntur svona aðgerðum þó hann væri andvígur skyrslettunum á álráðstefnunni. Nú bíð ég bara eftir því að hann komi og hlekki sig við eitthvað. Bera svona aðgerðir einhvern árangur?Já, ég hef sjálf séð það að í Bretlandi hafa til dæmis svona mótmæli gegn iðnaði í erfðabreyttum mætvælum heft útbreiðslu þeirrar greinar. Eruð þið ekki of seint á ferð með ykkar mótmæli á Kárahnjúkum?Alls ekki því ef við látum þessar framkvæmdir eiga sér stað án þess að rönd sé við reist verður bara gengið á lagið og haldið áfram að virkja í trassi við vilja landsmanna.