Vettvangur fyrir ungt tónlistarfólk á Húsavík Stefán Þór Hjartarson skrifar 13. júlí 2016 09:45 „Ég er sem sagt frá Húsavík, þó ég búi ekki lengur þar – ég ákvað því að setja af stað tónleikaröð í samstarfi við Menningarmiðstöð Þingeyinga og hlaut styrki frá bæði Uppbyggingarsjóði og Norðurþingi. Mig langaði til að auka framboðið af klassískum tónleikum um sumartímann, það er náttúrulega mikið af ferðamönnum á Húsavík á þessum tíma og svo líka bara fyrir íbúana,“ segir Lára Sóley Jóhannsdóttir sem í kvöld heldur fyrstu tónleikana af þremur í tónleikaröðinni Sumarklassík í Safnahúsinu á Húsavík ásamt breska píanistanum Dawn Hardwick. Lára er fiðluleikari og ólst upp á Húsavík þar sem hún hóf tónlistarnám. Hún útskrifaðist úr Royal Welsh College of Music and Drama árið 2006 og hefur síðan þá starfað sem fiðluleikari og söngkona og einnig sinnt kennslu hér á landi. Lára hefur gefið út tvær plötur – Hjalta og Láru árið 2013 og síðan Draumahöll sem kom út árið 2015. Hún hlaut listamannalaun til þriggja mánaða árið 2015 auk þess sem hún var útnefnd sem bæjarlistamaður Akureyrar 2015-2016 og starfar sem konsertmeistari hjá Sinfóníuhljómsveit Norðurlands. „Markmiðið mitt er að búa til vettvang fyrir ungt fólk. Þriðju tónleikarnir eru t.d. með nemendum í listaháskólum, annar er í Listaháskóla Íslands og hinn í tónlistarháskólanum í Ósló. Síðan eru tónleikarnir sem eru aðrir í röðinni – þá eru það kennarar við tónlistarskólann á Húsavík og starfandi tónlistarmenn sem búa á Húsavík sem verða að spila.“Verður sem sagt Húsavíkur-þema í vali á þeim tónlistarmönnum sem koma þarna fram? „Já, það má segja það. Allir sem koma fram tengjast Húsavík á einhvern hátt?… nema auðvitað breski píanistinn. Svo er þetta bara í rauninni heimafólk eða fólk sem tengist Húsavík að einhverju leyti.“ Breski píanistinn Dawn Hardwick kemur fram með Láru á þessum fyrstu tónleikum í röðinni en hún er líkt og Lára útskrifuð úr Royal Welsh College of Music and Drama sem og Royal College of Music í London. Hún hefur unnið til fjölda verðlauna fyrir píanóleik og spilað reglulega með London Philharmonic Orchestra, Ulster Orchestra og Royal Philharmonic Orchestra. Dawn leikur einnig með Piano Circus, tónlistarhópi skipuðum sex píanóleikurum sem flytja gjarnan nýja, klassíska tónlist. Í kvöld ætla þær Lára Sóley og Dawn að spila íslenska og breska tónlist í bland. Þær munu spila verk eftir Jón Nordal, Edward Elgar og Graham Fitkin. Einnig munu þær flytja útsetningu Láru Sóleyjar á Vornæturljóði Elísabetar Geirmundsdóttur og nýtt verk fyrir fiðlu og píanó. Næsta vetur munu þær svo flytja þessa sömu dagskrá í Bretlandi. Tónleikarnir hefjast klukkan 20.00 í Safnahúsinu Húsavík og miðaverð er 2.000 krónur. Tónlist Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið Öll með aðstöðu til að fagna sigri með stuðningsmönnum Lífið „Blessunarlega ekkert stoppaður af foreldrum mínum“ Tíska og hönnun Hönnunarhús Markúsar Mána og Kristínar til sölu Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Setja upp söngleiki, leikrit og tónleika í Háskólabíó í sumar Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
„Ég er sem sagt frá Húsavík, þó ég búi ekki lengur þar – ég ákvað því að setja af stað tónleikaröð í samstarfi við Menningarmiðstöð Þingeyinga og hlaut styrki frá bæði Uppbyggingarsjóði og Norðurþingi. Mig langaði til að auka framboðið af klassískum tónleikum um sumartímann, það er náttúrulega mikið af ferðamönnum á Húsavík á þessum tíma og svo líka bara fyrir íbúana,“ segir Lára Sóley Jóhannsdóttir sem í kvöld heldur fyrstu tónleikana af þremur í tónleikaröðinni Sumarklassík í Safnahúsinu á Húsavík ásamt breska píanistanum Dawn Hardwick. Lára er fiðluleikari og ólst upp á Húsavík þar sem hún hóf tónlistarnám. Hún útskrifaðist úr Royal Welsh College of Music and Drama árið 2006 og hefur síðan þá starfað sem fiðluleikari og söngkona og einnig sinnt kennslu hér á landi. Lára hefur gefið út tvær plötur – Hjalta og Láru árið 2013 og síðan Draumahöll sem kom út árið 2015. Hún hlaut listamannalaun til þriggja mánaða árið 2015 auk þess sem hún var útnefnd sem bæjarlistamaður Akureyrar 2015-2016 og starfar sem konsertmeistari hjá Sinfóníuhljómsveit Norðurlands. „Markmiðið mitt er að búa til vettvang fyrir ungt fólk. Þriðju tónleikarnir eru t.d. með nemendum í listaháskólum, annar er í Listaháskóla Íslands og hinn í tónlistarháskólanum í Ósló. Síðan eru tónleikarnir sem eru aðrir í röðinni – þá eru það kennarar við tónlistarskólann á Húsavík og starfandi tónlistarmenn sem búa á Húsavík sem verða að spila.“Verður sem sagt Húsavíkur-þema í vali á þeim tónlistarmönnum sem koma þarna fram? „Já, það má segja það. Allir sem koma fram tengjast Húsavík á einhvern hátt?… nema auðvitað breski píanistinn. Svo er þetta bara í rauninni heimafólk eða fólk sem tengist Húsavík að einhverju leyti.“ Breski píanistinn Dawn Hardwick kemur fram með Láru á þessum fyrstu tónleikum í röðinni en hún er líkt og Lára útskrifuð úr Royal Welsh College of Music and Drama sem og Royal College of Music í London. Hún hefur unnið til fjölda verðlauna fyrir píanóleik og spilað reglulega með London Philharmonic Orchestra, Ulster Orchestra og Royal Philharmonic Orchestra. Dawn leikur einnig með Piano Circus, tónlistarhópi skipuðum sex píanóleikurum sem flytja gjarnan nýja, klassíska tónlist. Í kvöld ætla þær Lára Sóley og Dawn að spila íslenska og breska tónlist í bland. Þær munu spila verk eftir Jón Nordal, Edward Elgar og Graham Fitkin. Einnig munu þær flytja útsetningu Láru Sóleyjar á Vornæturljóði Elísabetar Geirmundsdóttur og nýtt verk fyrir fiðlu og píanó. Næsta vetur munu þær svo flytja þessa sömu dagskrá í Bretlandi. Tónleikarnir hefjast klukkan 20.00 í Safnahúsinu Húsavík og miðaverð er 2.000 krónur.
Tónlist Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið Öll með aðstöðu til að fagna sigri með stuðningsmönnum Lífið „Blessunarlega ekkert stoppaður af foreldrum mínum“ Tíska og hönnun Hönnunarhús Markúsar Mána og Kristínar til sölu Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Setja upp söngleiki, leikrit og tónleika í Háskólabíó í sumar Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira