Veður

Norðan gola eða kaldi og létt­skýjað suð­vestan­til

Atli Ísleifsson skrifar
Haustsól í Reykjavík.
Haustsól í Reykjavík. Vísir/Vilhelm

Landsmenn mega eiga von á norðan golu eða kalda í dag þar sem verður léttskýjað suðvestanlands, en annar staðar skýjað og með dálítilli vætu austantil. Hitinn verður á bilinu 3 til 10 stig.

Í hugleiðingum veðurfræðings á vef Veðurstofunnar segir að á morgun rigni um allt land og vindur snúist í skammvinna sunnanátt.

„Á Norðausturlandi styttir væntanlega upp eftir hádegi og þar gæti hitinn skriðið upp fyrir 10 stig. Aftur norðlæg átt á miðvikudag og áfram nokkuð vætusamt.“

Spákortið fyrir klukkan 14 í dag, eins og það leit út í morgun.Veðurstofan

Veðurhorfur á landinu næstu daga

Á þriðjudag: Breytileg og síðar suðlæg átt 5-13 með rigningu víða um land, en léttir til NA-lands síðdegis. Hiti 4 til 10 stig.

Á miðvikudag: Snýst í norðan 3-8 m/s. Skýjað og sums staðar dálítil væta síðdegis. Hiti 3 til 9 stig.

Á fimmtudag: Norðan 8-13 og rigning eða slydda, en þurrt á S-verðu landinu. Hiti 2 til 10 stig, hlýjast syðst.

Á föstudag: Norðanátt með björtu veðri S- og V-lands, en lítilsháttar rigningu eða slyddu NA-til. Heldur kólnandi.

Á laugardag: Norðlæg eða breytileg átt og skýjað með köflum, hiti 1 til 7 stig að deginum.

Á sunnudag: Suðaustanátt og rigning, en úrkomulítið NA-lands.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.