Bíó og sjónvarp

Covid-smit hægir á Leðurblökumanninum

Kjartan Kjartansson skrifar
Gríma Leðurblökumannsins virðist ekki hafa varið Robert Pattinson fyrir kórónuveirusmiti.
Gríma Leðurblökumannsins virðist ekki hafa varið Robert Pattinson fyrir kórónuveirusmiti. Vísir/EPA

Robert Pattinson, aðalleikarinn í væntanlegri kvikmynd um Leðurblökumanninn, er sagður smitaður af Covid-19. Framleiðsla á myndinni hefur verið stöðvuð tímabundið af þeim sökum en tökur voru nýhafnar.

Warner brothers, framleiðandi kvikmyndarinnar, sagði aðeins í yfirlýsingu að starfsmaður við framleiðsluna hefði greinst smitaður af Covid-19 og væri í einangrun. Vanity Fair hefur eftir heimildum sínum að það sé Pattinson sjálfur sem sé smitaður.

Framleiðslan á nýju myndinni um Leðurblökumanninn stöðvaðist fyrr á þessu ári vegna sóttvarnaaðgerða í kórónuveiruheimsfaraldrinum. Tökur í myndveri rétt utan við London hófust nýlega.

Áætlað er að myndin verði sýnd á næsta ári en auk Pattinson skartar hún Colin Farrell í hlutverki Mörgæsarinnar, Paul Dano sem Gátumeistinn og Zoë Kravitz í hlutverki Selinu Kyle sem síðar verður Kattarkonan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.