Sport

Sportið í dag: Stútfullur 90 mínútna þáttur í opinni dagskrá með Kára sem gestastjórnanda

Ingvi Þór Sæmundsson skrifar
Síðasti þáttur Sportsins í dag fyrir sumarfrí verður pakkfullur. Kári Kristján Kristjánsson verður gestastjórnandi og gestur þáttarins og farið verður um víðan völl.
Síðasti þáttur Sportsins í dag fyrir sumarfrí verður pakkfullur. Kári Kristján Kristjánsson verður gestastjórnandi og gestur þáttarins og farið verður um víðan völl. vísir/vilhelm

Lokaþáttur Sportsins í dag fyrir sumarfrí verður hinn veglegasti. Þátturinn er venju samkvæmt klukkan 15:00 og verður að þessu sinni í opinni dagskrá á Stöð 2 Sport, Stöð 2 Vísi sem og á Vísi.

Kári Kristján Kristjánsson er bæði gestur og gestastjórnandi þáttarins í dag. Eyjamaðurinn hefur slegið í gegn með innslögum sínum í þættinum og vel við hæfi að hann verði í síðasta þættinum fyrir sumarfrí. 

Kári mun sitja í settinu með Henry Birgi en Kjartan Atli verður í beinni frá golfvellinum í Grindavík þar sem lokahóf Domino's Körfuboltakvölds er í fullum gangi. 

Þar sem þetta er síðasti þátturinn fyrir sumarfrí þá verður þátturinn lengri í dag eða um 90 mínútur. Það er líka stútfullur þáttur í dag. 

Dagný Brynjarsdóttir og Anna Björk Kristjánsdóttir, leikmenn Selfoss, verða í viðtali og ræða komandi sumar sem og umræðuna um launamál í kvennaboltanum. Sú umræða var í hámarki eftir að Anna Björk samdi við Selfoss. 

Þátturinn kíkir í heimsókn hjá KSÍ þar sem verið er að senda alla gömlu landsliðsbúningana langt út í heim enda von á nýjum búningum frá Puma. 

Einnig var nýr styrktaraðili næstefstu deildanna í knattspyrnu kynntur í Laugardalnum í dag og þau mál verða skoðuð.

Karl Jónsson, fyrrum leikmaður og körfuknattleiksþjálfari, fer yfir ábyrgð höfuðborgarsvæðisins í íslenskum körfubolta. Kristján Einar Kristjánsson fer svo yfir viðburði helgarinnar á Stöð 2 eSport. 

Að lokum verður kíkt í nýjan og glæsilegan búningsklefa Víkings þar sem einnig verður skoðuð áhugaverð leið til þess að sótthreinsa búningsklefa á tímum Covid.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.




Fleiri fréttir

Sjá meira


×