Internazionale að safna Manchester United leikmönnum

Ashley Young er í viðræðum við ítalska félagið Internazionale frá Mílanó um að ganga til liðs við félagið.

Enskir miðlar segja frá þessu í morgun en þar kemur ekki fram hvort að Manchester United sé búið að ákveða að leyfa leikmanninum að fara.

Framtíð þessa 34 ára leikmanns mun væntanlega ráðast á næsta sólarhring.

Forráðamenn Internazionale virðast vera að safna Manchster United leikmönnum því félagið keypti Romelu Lukaku í haust og fékk þá líka Alexis Sánchez á láni.

Ashley Young has opened talks over a move to Inter Milan.

Full story: https://t.co/kOewtrkUiR#bbcfootballpic.twitter.com/Vt9u8rJQLh

— BBC Sport (@BBCSport) January 8, 2020

Samningur Ashley Young við Manchester United rennur út í sumar og þessa vegna hefur hann leyfi núna til að ræða við félög utan Englands.

Young var ekki í hópnum í leiknum á móti Manchester City í enska deildabikarnum í gærkvöldi og knattspyrnustjórinn Ole Gunnar Solskjær vildi ekki ræða stöðu leikmannsins eftir leikinn.

BREAKING: Inter Milan are in talks with Manchester United over signing Ashley Young, according to Sky in Italy.

— Sky Sports News (@SkySportsNews) January 7, 2020

Ashley Young kom til Manchester United frá Aston Villa árið 2011 og hefur unnið ensku deildina, enska bikarinn og enska deildabikarinn með félaginu. Hann hefur líka verið aðalfyrirliði Manchester United frá því í ágúst 2019.

Young hefur samt ekki verið mikið með fyrirliðabandið að undanförnu því hann hefur aðeins byrjað tvo af síðustu tóu deildarleikjum Manchester United.