Verður Donovan sá fyrsti sem Pardew fær til Newcastle?

Enskir fjölmiðlar segja að eigandi Newcastle, Mike Ashley, muni láta knattspyrnustjórann Alan Pardew fá tíu milljónir punda til að styrkja liðið í félagaskipatglugganum í janúar.

Þegar Chris Hughton var með liðið hafði hann fengið þau skilaboð að hann fengi ekki neinn pening til leikmannakaupa.

Sú saga gengur fjöllum hærra að Pardew hafi mikinn áhuga á að fá bandaríska vængmanninn Landon Donovan. Donovan lék verulega vel á síðasta tímabili þegar hann var hjá Everton á lánssamningi.