Sást til Gaddafís í fyrsta sinn í hálfan mánuð

Líbíska ríkissjónvarpið sýndi í gærkvöldi myndir af Gaddafí einræðisherra landsins en hann hefur ekki komið fram opinberlega í hálfan mánuð. Yfirvöld segja að upptakan hafi verið gerð í gær í höfuðborginni Líbíu en þetta hefur ekki verið staðfest af óháðum aðilum.

Gaddafí hefur ekki látið sjá sig á almannafæri eftir að herþotur NATO gerðu árás á bústað hans með þeim afleiðingum að sonur hans og þrjú barnabörn létu lífið. Í morgun bárust svo fregnir af enn einni árásinni á höfuðstöðvar Gaddafís í Líbíu og létust tveir hið minnsta að sögn talsmanna stjórnarinnar.