Lítill áhugi á 500 milljóna Arnarneslóð

Engin tilboð hafa boðist í lóðirnar tvær á Arnarnesi sem voru í febrúar auglýstar til sölu saman á litlar 500 milljónir króna.

„Þetta er draumalóð, ég fer ekki ofan af því," segir Arnbjörn Arason, sölufulltrúi hjá Remax Skeifunni, sem telur ólíklegt að á höfuðborgarsvæðinu sé að finna aðra lóð af þessari stærð sem er jafn mikil til hlés, og vel staðsett.

Arnbjörn telur ástæðu þess að engin tilboð séu komin sé að finna í því að hún hafi verið auglýst. Hann telur að fjársterkir íslendingar hafi ekki áhuga á því að kaupa lóð sem hefur verið jafn mikið í umræðunni og þessi var í kjölfar auglýsingarinnar.

Erlendur aðili hefur sýnt lóðinni áhuga, en ekki gert tilboð enn. Hann var tilbúinn með teikningar að húsi sem skyldi rísa á lóðinni, og Arnbjörn þær afar glæsilegar. Sá er þó að skoða fleiri lóðir undir húsið, og því óvíst hvort þessi verði fyrir valinu.