Talið er að yfir tvö þúsund erlendir ferðamenn hafi farið út úr Reykjavík í gærkvöldi til að skoða norðurljós, eða fleiri en nokkru sinni fyrr og fengu ferðamennirnir mikið fyrir sinn snúð, að sögn eins rútubílstjórans.

Stærstu rútufyrirtækin , Allra handa og Kynnisferðir fluttu samanlagt um sextánhundruð manns á tugum rútubíla, en auk þessara tvegga stunda mörg smærri fyrirtæki slíkar ferðir og loks fara þónokkrir ferðamenn á bílaleigubílum til að skoða norðurljós.

Gísli Reynisson ók einum hópnum og segir hann gærkvöldið hafa farið fram úr björtustu vonum flestra. Ljósadýrðin hafi verið sú mesta það sem af er vetri.