Grealish setti met: Hefur tapað 19 leikjum í röð

Jack Grealish, fyrirliði Aston Villa, hefur verið í tapliði í 19 leikjum í röð í ensku úrvalsdeildinni sem er met.

19 - Jack Grealish has now lost 19 Premier League games in a row - the longest run of any player in the competition's history. Suffering. #TOTAVLpic.twitter.com/qqfJDpn8mV

— OptaJoe (@OptaJoe) August 10, 2019

Grealish lék allan leikinn þegar Villa laut í lægra haldi fyrir Tottenham, 3-1, í 1. umferð ensku úrvalsdeildarinnar í gær. Villa komst yfir en Spurs tryggði sér sigurinn með þremur mörkum á síðustu 17 mínútum leiksins.

Þetta var fyrsti leikur Grealishs í ensku úrvalsdeildinni í rúm þrjú ár. Villa tapaði öllum 16 leikjunum sem hann lék í ensku úrvalsdeildinni tímabilið 2015-16 og síðustu tveimur tímabilið 2014-15.

Grealish hefur leikið 35 leiki í ensku úrvalsdeildinni á ferlinum. Hann hefur aðeins sjö sinnum verið í sigurliði í þessum 35 leikjum.

Grealish var síðast í sigurliði í ensku úrvalsdeildinni þann 9. maí 2015. Villa vann þá 1-0 sigur á West Ham United.