Sparkspekingur telur að breiddin eigi eftir að skila Man. City titlinum

Breiddin á leikmannahóp Manchester City er það sem á eftir að skila liðinu Englandsmeistaratitlinum að mati Danny Higginbotham, fyrrverandi leikmanni Manchester United, sem hefur getið sér góðs orðs sem sparkspekingur undanfarin misseri.

City náði toppsætinu af Liverpool á miðvikudagskvöldið þegar að liðið vann Everton, 2-0, á útivelli en lærisveinar Pep Guardiola voru mest tíu stigum á eftir Liverpool í desember.

Liverpool á leik til góða en það er búið að gera jafntefli í tveimur leikjum í röð og þarf sárlega að komast aftur á sigurbraut gegn Bournemouth á morgun.

„Það þarf ekki annað en að horfa á annað markið hjá City í síðasta leik til að skoða þetta,“ segir Higginbotham við Sky Sports.

„Leikmennirnir þrír sem komu inn á voru Gabriel Jesus, Kevin De Bruyne og Raheem Sterling. Það er ótrúleg breidd,“ segir hann, en Jesus innisiglaði sigurinn í uppbótartíma.

„Það er aðeins einn leikmaður sem má ekki meiðast hjá City og það er Fernandinho. Annars er breiddin rosalega mikil þannig City hefur það fram yfir Liverpool,“ segir Danny Higginbotham.