Sjáðu mörkin og vítakeppnina úr leiknum um Samfélagsskjöldinn

Manchester City vann Samfélagsskjöldinn annað árið í röð eftir sigur á Liverpool í vítaspyrnukeppni á Wembley í dag. Staðan eftir venjulegan leiktíma var 1-1 en City vann vítakeppnina, 4-5.

Raheem Sterling kom City yfir gegn sínum gömlu félögum á 12. mínútu. Staðan var 0-1 í hálfleik, Englandsmeisturunum í vil.

Á 77. mínútu jafnaði Joël Matip metin eftir sendingu frá Virgil van Dijk. Fleiri urðu mörkin ekki og því réðust úrslitin í vítakeppni.

Þar skoruðu leikmenn City úr öllum sínum spyrnum en Claudio Bravo varði frá Georginio Wijnaldum.

Mörkin úr leiknum og vítakeppnina má sjá hér fyrir neðan.

Mark Man. City

Mark Liverpool

Vítakeppnin