Gylfi átti þátt í sigurmarki Everton gegn Burnley

Ingvi Þór Sæmundsson skrifar
Calvert-Lewin fagnar sigurmarki sínu.
Calvert-Lewin fagnar sigurmarki sínu. vísir/getty

Everton vann 1-0 sigur á Burnley í fyrsta leiknum undir stjórn Carlos Ancelotti í dag.

Dominic Calvert-Lewin skoraði eina mark leiksins á 80. mínútu.

Gylfi Þór Sigurðsson vann þá boltann, kom honum á Djibril Sidibé sem sendi fyrir á Calvert-Lewin sem kastaði sér fram og skallaði í stöng og inn.

Everton var talsvert sterkari aðilinn en það tók heimamenn tíma að brjóta sterka vörn gestanna á bak aftur.

Gylfi lék allan leikinn fyrir Everton sem er komið upp í 13. sæti deildarinnar.

Jóhann Berg Guðmundsson lék síðustu 22 mínúturnar fyrir Burnley. Þetta var fyrsti leikur hans fyrir liðið síðan 5. október. Burnley er í 12. sæti deildarinnar.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.