Watford rúllaði yfir Villa | Jafnt í Southampton

Watford er aðeins þremur stigum frá fallsæti eftir 3-0 sigur á Aston Villa í mikilvægum leik í ensku úrvalsdeildinni í dag.

Troy Deeney skoraði tvö mörk fyrir Watford og Ismaïla Sarr eitt. Watford var manni færri síðustu 33 mínúturnar, eftir að Adrian Mariappa fékk að líta rauða spjaldið, en það kom ekki sök. Watford skoraði tvö mörk manni færri.

Watford hefur fengið sjö stig af níu mögulegum síðan Nigel Pearson tók við liðinu.

Watford er í 19. sæti deildarinnar með 16 stig, tveimur stigum á eftir Villa sem er í 18. sætinu.

Southampton og Crystal Palace skildu jöfn, 1-1, á Maríuvöllum.

James Tomkins kom Palace yfir á 50. mínútu en Danny Ings jafnaði á 74. mínútu. Hann er næstmarkahæstur í deildinni með tólf mörk.

Palace er í 9. sæti deildarinnar með 27 stig. Southampton er í því fimmtánda með 22 stig.