Sport

Í beinni í dag: For­seta­bikarinn, HM í pílu og ís­lensk körfu­bolta­veisla

Anton Ingi Leifsson skrifar
Tiger Woods og Michael Van Gerwen eru í eldlínunni í dag.
Tiger Woods og Michael Van Gerwen eru í eldlínunni í dag. vísir/getty/samsett

Það vantar ekkert upp á dagskrána á sportrásunum í kvöld en boðið verður up á enska boltann, golf, pílu og Dominos-deild karla í kvöld.

Forsetabikarinn heldur áfram en alþjóðlega liðið hefur verið hlutskarpara fyrstu tvo dagana. Tiger Woods hefur borið bandaríska liðið uppi en hann er ekki af baki dottinn.







HM í pílu byrjar svo einnig í dag en mótið vakti afar mikla athygli á skjáum landsmanna um síðustu jól. Afar skemmtilegt er að fylgjast með mótinu en mikil stemning er í salnum er keppnin fer fram.

Mótið er fram í Barclaycard Arena í Hamburg en útsending hefst klukkan 19.00.







Dominos-deild karla er eins og vanalega á skjám landsmanna á föstudagskvöldum. Haukar og Stjarnan mætast í Ólafssal en Stjarnan hefur verið á flottu skriði en síðar í kvöld mætast svo Þór Þorlákshöfn og topplið Keflavíkur í Þorlákshöfn.

Kjartan Atli Kjartansson og spekingar hans gera svo upp umferðina í næst síðasta þætti Dominos-körfuboltakvöldar á þessu ári en spekingarnir hefja leik klukkan 22.10.

Eins og vanalega má sjá allar beinu útsendingarnar á vef Stöð 2.

Beinar útsendingar í dag:

17.00 QBE Shootout (Stöð 2 Sport 4)

18.20 Haukar - Stjarnan (Stöð 2 Sport)

19.00 HM í pílukasti 2019 (Stöð 2 Sport 2)

19.40 Charlton - Hull City (Stöð 2 Sport 3)

20.00 Forsetabikarinn (Stöð 2 Golf)

20.10 Þór Þ. - Keflavík (Stöð 2 Sport)

22.10 Dominos Körfuboltakvöld (Stöð 2 Sport)




Fleiri fréttir

Sjá meira


×