Solskjær sagður hafa tjáð leikmönnum að sparkið biði hans næðust ekki góð úrslit

Ole Gunnar Solskjær, stjóri Manchester United, hefur varað leikmennina sína við að hann gæti verið rekinn frá félaginu ef liðið nær ekki í góð úrslit í leikjum vikunnar.

Enskir fjölmiðlar greina frá þessu í morgun en United mætir bæði Tottenham og Manchester City í vikunni. Þeir fá Jose Mourinho og Tottenham í heimsókn á morgun en ferðast svo á Etihad á sunnudaginn.

„Ole var tilfinningaríkur og sagði við leikmennina að ef þeir næðu ekki í góð úrslit í vikunni þá væri hann farinn,“ sagði heimildarmaður innan herbúða Manchester United.

„Þetta er versti tíminn til þess að mæta Spurs þegar þeir eru komnir með Jose aftur í boltann.“

Ole Gunnar Solskjaer 'warns his players he will be axed if they lose to both Tottenham and Man City' as pressure rises https://t.co/0g05bSgKVQ

— MailOnline Sport (@MailSport) December 3, 2019

Solskjær er einna líklegastur til að vera rekinn í enska boltanum og ekki minnkaði pressan er United gerði 2-2 jafntefli við Aston Villa um helgina.

Liðið hefur einungis náð í átján stig úr fjórtán leikjum og er þetta versta byrjun í deildinni síðan tímabilið 1988/1989.

Mauricio Pochettino hefur verið orðaður við starfið en hann var rekinn frá Tottenham í þar síðustu viku.

Ole Gunnar Solskjaer has reportedly told his players that he could be sacked depending on the results against Tottenham and Man City.

That's the gossip.

https://t.co/CQNor7hfvp#bbcfootballpic.twitter.com/gy1uyNcUqy

— BBC Sport (@BBCSport) December 3, 2019