Mourinho í viðræðum við Tottenham
Forráðamenn Tottenham hafa í kvöld rætt við Jose Mourinho um að hann verði næsti knattspyrnustjóri félagsins.
Argentínumanninum, Mauricio Pochettino, var sparkað frá Tottenham í kvöld einungis sex mánuðum eftir að hann fór með liðið í úrslitaleik Meistaradeildarinnar.
Sky Sports fréttastofan greinir frá því í kvöld að forráðamenn Tottenham hafi kvöld rætt við Mourinho og umboðsmann hans en hann hefur verið atvinnulaus nú í tæpt ár.
BREAKING: Representatives of Tottenham and Jose Mourinho are this evening locked in negotiations for the Portuguese to replace Mauricio Pochettino.
— Sky Sports News (@SkySportsNews) November 19, 2019
Portúgalinn var rekinn frá Manchester United um síðustu jól en taki hann við Tottenham verður það þriðja enska liðið sem hann stýrir. Áður stýrði hann Man. United og Chelsea.
Hann hefur hafnað boðum frá Kína, Spáni og Portúgal og greindi frá því á dögunum að hann vildi gjarnan koma aftur í enska boltann.
Tottenham gæti orðið næsti áfangastaðurinn en þeir mæta West Ham í Lundúnarslag um helgina.
Tengdar fréttir
Pochettino rekinn frá Tottenham
Argentínumaðurinn er farin frá Norður-Lundúnarliðinu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
