Matip frá í sex vikur

Joel Matip gæti misst af nokkrum stórleikjum Liverpool vegna hnémeiðsla, en fréttir frá Liverpool í dag segja hann verða frá í allt að 6 vikur.

Varnarmaðurinn hefur aðeins spilað einn leik af síðustu fimm, 1-1 jafnteflið við Manchester United, vegna hnémeiðsla sem hann hlaut gegn Sheffield United.

Ekki er vitað hvenær Matip mun geta snúið aftur, en nýjustu fréttir segja sex vikur sem þýðir að hann gæti misst af næstu 10 leikjum.

Þar á meðal er stórleikur við Manchester City, grannaslagurinn við Everton og síðustu þrír leikir Liverpool í riðlakeppni Meistaradeildarinnar.