Tónlist

Rafdjassráðgátan er hist og her

Þórarinn Þórarinsson skrifar
Róbert Reynisson lék rafdjassinn af fingrum fram.
Róbert Reynisson lék rafdjassinn af fingrum fram. Fréttablaðið/Sigtryggur Ari

Tríóið Hist og er skipað þeim Eiríki Orra Ólafssyni, á trompet og raftæki, Róbert Reynissyni gítarleikara og trommaranum Magnúsi Trygvasyni Eliassen sem hafa um langt árabil verið sundur og saman í slagtogi við hinar ýmsu vonarstjörnur íslenskrar tilraunatónlistar. Til dæmis múm, Sigur Rós, Amiinu, Kiru Kiru, Sin Fang og Seabear.

Þeir ákváðu loks að sjóða saman í plötuna Days of Tundra sem þeir segja innihalda „lágtíðnistemningar og aggressívar skeytasendingar til frídjassguðsins“ sem þeir kenna við rafdjass.

Eiríur Orri segist aðspurður þó ekki vita nákvæmlega hvað sá merkimiði felur í sér. „Þetta er eiginlega bara eitthvað sem ég bjó til þegar ég reyndi að ná utan um þetta. Þetta er svolítið eins og raftónlist en við notum kannski aðferðir og orðaforða sem sprottin eru upp úr djassinum.

Gestir og gangandi í útgáfuhófinu létu skilgreiningar þó ekki trufla sig frekar en léttleikandi tónlistarmennirnir sem ætla síðan að halda almennilega útgáfutónleika 25. og 26. október í Mengi við Óðinsgötu.

Bragi Þorgrímur Ólafsson, Jóhann Ágúst Jóhannsson, Brynja Hjálmarsdóttir, Árni Óskarsson, sænskur gestur og Guðni Rúnar Jónsson með Karólínu Grímu Eiríksdóttur í fanginu voru öll vel með á nótunum. Fréttablaðið/Sigtryggur Ari
Eiríkur Orri Ólafsson, alveg rafdjassgeggjaður, ásamt Róberti Reynissyni og Jóhanni Ágústi Jóhannssyni.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.