Owen segir að Capello hafi verið „algjört drasl“
Ný ævisaga Michaels Owen, Reboot - My Life, My Time, hefur gert allt vitlaust. Í bókinni lætur hann fyrrverandi samherja sína í enska landsliðinu, Alan Shearer og David Beckham, m.a. heyra það sem og Fabio Capello sem var landsliðsþjálfari Englands á árunum 2008-12.
Owen lék aðeins einn leik með landsliðinu undir stjórn Capellos og hætti svo í því fjórum mánuðum eftir að Ítalinn tók við.
„Það var eins og Capello hefði fundist hann þurfa að breyta einhverju þegar hann tók við landsliðinu,“ segir Owen í ævisögunni.
„Og það reyndist vera ég. Þetta var eins og yfirlýsing. Það þarf því ekki að koma á óvart að ég sé gramur þegar ég hugsa um þjálfaratíð hans með enska landsliðið.“
Ekki fer á milli mála að Owen hefur lítið álit á Capello.
„Hann setti ekki bara punktinn aftan við landsliðsferilinn minn án nokkurar skýringa heldur var hann einn slakasti landsliðsþjálfari Englands frá upphafi,“ segir Owen.
„Hann var algjört drasl. Að mínu mati olli Capello landsliðsferli mínum og enskum fótbolta í heild sinni miklum skaða og fékk vel borgað fyrir það.“
Owen lék 89 landsleiki og skoraði 40 mörk. Hann er fimmti markahæsti leikmaður enska landsliðsins frá upphafi.
Tengdar fréttir
Owen skaut til baka á Shearer: Reyndir allt þú gast til að komast frá Newcastle
Michael Owen og Alan Shearer fóru í hár saman á Twitter.
Michael Owen segir það ranga ákvörðun að hafa ekki farið aftur til Liverpool
Michael Owen sér eftir því að hafa ekki farið aftur til Liverpool þegar hann kom aftur til Englands frá Real Madrid sumarið 2015.
