Erlent

Að­skilnaðar­sinnar ná yfir­ráðum á for­seta­höllinni í Jemen

Hallgerður Kolbrún E. Jónsdóttir skrifar
Vígamenn aðskilnaðarsinna fagna því að hafa náð hergögnum frá hersveitum forsetans. Myndin tengist fréttinni ekki beint.
Vígamenn aðskilnaðarsinna fagna því að hafa náð hergögnum frá hersveitum forsetans. Myndin tengist fréttinni ekki beint. getty/Abdullah Homran
Aðskilnaðarsinnar í Jemen hafa náð yfirráðum í hafnarborginni Aden eftir margra daga átök við hersveitir stjórnar landsins, sem hlýtur stuðning alþjóðasamfélagsins. Frá þessu er greint á vef breska ríkisútvarpsins.

Hersveitirnar berjast fyrir Umbreytingaráð suðursins (STC), sem hlýtur stuðning Sameinuðu arabísku furstadæmanna, og segja að þær hafi náð stjórn á herbúðum og forseta höllinni.

Bandalagshersveitirnar sem styðja ríkisstjórnina og studdar eru af Sádum, segir að svarað verði með hernaðaraðgerðum en ríkisstjórnin sjálf segir yfirtöku STC á Aden vera tilraun til valdaráns.

Bandalagshersveitir höfðu ýtt á STC að draga hersveitir sínar úr borginni ef ekki ætti að koma til meiri átaka. Talsmenn bandalagshersveita segjast hafa hafið hernaðaraðgerðir gegn „ógn“ við stjórn landsins.



Eftir að STC náði yfirráðum á Aden á laugardag samþykktu báðar stríðandi fylkingar að leggja niður vopn en ekki er vitað hvort það vopnahlé gildi enn eftir að bandalagshersveitir greindu frá aðgerðum sínum.

Ríkisstjórn Abdrabbuh Mansour Hadi, forseta Jemen, hefur verið staðsett í Aden en hann sjálfur hefur haldið fyrir í höfuðborg Sádi-Arabíu, Riyadh.

Einn meðlima hersveita aðskilnaðarsinna sagði í samtali við fréttastofu AFP að hersveitirnar hafi náð tökum á forsetahöllinni á laugardag án átaka.

„Hermönnunum tvö hundruð í lífvarðarsveit forsetans var hleypt örugglega út úr höllinni,“ sagði aðskilnaðarhermaðurinn.

Vitni staðfesti við AFP að aðskilnaðarsinnar hafi tekið stjórn í höllinni.

Einnig hafa aðskilnaðarsinnar náð yfirráðum á heimili innanríkisráðherra og herbúðum hersveita Hadi.

„Þetta er búið, [STC] hersveitirnar hafa náð yfirráðum á öllum herbúðunum,“ sagði talsmaður ríkisstjórnar Hadi í samtali við fréttastofu Reuters.

Læknar án landamæra lýstu Aden sem vígvelli á laugardag og sögðu sjúkrahúsin ekki geta tekið við fleirum. Þá hafi meira en 119 sjúklingar hlotið aðhlynningu innan 24 klst. á meðan á átökunum stóð.

Meira en 70 manns, þar á meðal almennir borgarar, létu lífið, samkvæmt fréttaflutningi AP fréttastofunnar.


Tengdar fréttir

Vígasveitir í Jemen hörfa

Uppreisnarherinn í Jemen hefur tilkynnt að byrjað sé að fjarlægja vígasveitir hans frá helstu hafnarstæðum landsins.

Hækkun framlaga stjórnvalda til UNICEF 160% milli ára

Framlög íslenskra stjórnvalda, almennings og fyrirtækja á Íslandi til Barnahjálpar Sameinuðu þjóðanna (UNICEF) hafa aldrei verið hærri en á síðasta ári.Vöxturinn milli ára er 10,2% og hækkun framlaga frá íslenskum stjórnvöldum á milli áranna 2017 og 2018 tæp 160%.

Yfir 7500 börn drepin eða særð í Jemen frá árinu 2013

Í nýrri skýrslu Sameinuðu Þjóðanna segir að yfir 7500 börn hafi á síðasta fimm og hálfa árinu, látist eða skaðast af sökum loftárása, sprengjuárása, hernaðarátaka eða jarðsprengja í Jemen.

Helmingur íbúa vill úr landi

Nærri helmingur Marokkómanna, eða 44 prósent, vill flytja úr landi. Þetta sýna niðurstöður skoðanakönnunar sem Arab Barometer gerði fyrir BBC News Arabic.

Ísland hækkar framlag vegna kynbundins ofbeldis á neyðarsvæðum

Ísland lýsti yfir fullum stuðningi í baráttunni gegn kynferðislegu og kynbundu ofbeldi á neyðarsvæðum á áheitaráðstefnu sem haldin var í Ósló í lok síðustu viku. Mikil áhersla er lögð á málaflokkinn í mannúðarstarfi Íslands.

Trump hættir ekki stuðningi við Sáda

Donald Trump Bandaríkjaforseti hefur beitt neitunarvaldi sínu gegn þingsályktun sem samþykkt hafði verið í báðum deildum þingsins og er það í annað sinn sem hann beitir þessu valdi sínu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.