Sport

Keilumaður féll á lyfjaprófi og var sviptur gullverðlaunum

Ingvi Þór Sæmundsson skrifar
Notkun ólöglegra lyfja er ekki algeng í keilu en Jean Perez frá Púertó Ríkó var gripinn glóðvolgur.
Notkun ólöglegra lyfja er ekki algeng í keilu en Jean Perez frá Púertó Ríkó var gripinn glóðvolgur. vísir/getty
Keilumaðurinn Jean Perez frá Púerto Ríkó var sviptur gullverðlaunum sínum í tvíliðaleik karla á Pan American-leikunum eftir að hann féll á lyfjaprófi.



Efnið chlorthalidone fannst í sýni Perez. Það er m.a. notað við of háum blóðþrýstingi.



Í yfirlýsingu frá keilusambandi Púerto Ríkó segir að Perez hafi notað lyfið að læknisráði og það hafi ekki haft nein áhrif á frammistöðu hans.



Þrátt fyrir það var Púertó Ríkó svipt gullverðlaunum í tvíliðaleik karla. Bandaríkin fengu því gull í staðinn fyrir silfur og Kólumbía silfur í staðinn fyrir brons.



Samkvæmt tölum frá Wada, Alþjóða lyfjaeftirlitinu, fundust ólögleg lyf í þremur af 160 prófum sem voru framkvæmd á keilufólki árið 2017.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.