Enski boltinn

Ashley Cole leggur skóna á hilluna

Ingvi Þór Sæmundsson skrifar
Cole með Meistaradeildarbikarinn eftir sigur Chelsea á Bayern München á Allianz Arena 2012.
Cole með Meistaradeildarbikarinn eftir sigur Chelsea á Bayern München á Allianz Arena 2012. vísir/getty

Ashley Cole hefur lagt skóna á hilluna eftir farsælan feril. Hann var einn besti vinstri bakvörður heims um margra ára skeið.

Cole, sem er 38 ára, lék lengst af með Arsenal og Chelsea. Hann varð tvisvar sinnum Englandsmeistari með Arsenal og einu sinni með Chelsea.

Þá vann hann ensku bikarkeppnina sjö sinnum, oftar en nokkur leikmaður. Hann varð bikarmeistari með Arsenal 2002, 2003 og 2005 og Chelsea 2007, 2009, 2010 og 2012.

Cole var í sigurliði Chelsea í Meistaradeild Evrópu 2012 og Evrópudeildinni 2013.


Cole yfirgaf Chelsea 2014 og gekk í raðir Roma. Hann fór til Los Angeles Galaxy 2016 og lék svo sína síðustu leiki á ferlinum með Derby County á síðasta tímabili.

Cole lék 107 leiki fyrir enska landsliðið og er leikjahæsti bakvörður þess frá upphafi. Hann lék með Englandi á þremur heimsmeistaramótum og tveimur Evrópumótum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.