Crystal Palace hafnaði risatilboði Everton - Vilja 80 milljónir fyrir Zaha

Crystal Palace hafnaði umsvifalaust risatilboði Everton í Wilfried Zaha í gær en leikmaðurinn vill ólmur komast burt frá Palace áður en lokað verður fyrir félagaskipti á Englandi á morgun.

Tilboð Everton hljóðaði upp á 70 milljónir punda auk þess sem James McCarthy og Cenk Tosun hefðu farið til Palace í skiptum.

SkySports segir frá þessu.

Forráðamenn Palace vilja fá að lágmarki 80 milljónir punda fyrir hinn 26 ára gamla Zaha sem skoraði 10 mörk í ensku úrvalsdeildinni á síðustu leiktíð.