Umfjöllun Bein lýsing Miðstöð Liðin Tölfræði Stöðutafla

Markalaust í fyrsta leik hjá Gylfa og félögum

Anton Ingi Leifsson skrifar
Úr leiknum í dag.
Úr leiknum í dag. vísir/getty
Gylfi Þór Sigurðsson og félagar hans í Everton byrja ensku úrvalsdeildina þetta tímabilið á markalausu jafntefli gegn Crystal Palace.

Hafnfirðingurinn var á sínum stað í byrjunarliði Everton í dag en nýju mennirnir Moise Kean og Jean-Philippe Gbamin máttu gera sér það að góðu að byrja á bekknum.





Gestirnir frá Everton tóku öll völdin strax frá fyrstu mínútu og strax á 2. mínútu fékk Gylfi Sigurðsson gott færi en hann hitti boltann afar illa.

Everton var mikið með boltann án þess að skapa sér mörg færi og var staðan markalaus er liðin gengu til búningsherbergja.

Í síðari hálfleik var meiri ferskleiki yfir heimamönnum sem fengu í tvígang mjög góð færi en Jordan Pickford varði afar vel í bæði skiptin.

Gylfi fékk annað færi í síðari hálfleik en skot hans var bjargað á línu. Everton léku tíu síðasta stundarfjórðunginn eftir að Morgan Schneiderlin fékk sitt annað gula spjald.

Moise Kean fékk að spreyta sig síðustu tuttugu mínúturnar en hann náði ekki að koma sér í nein færi enda leikmenn Everton einum færri. Lokatölur markalaust jafntefli.





Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið