Sjáðu bandaríska kvennalandsliðið fagna HM-gullinu í skrúðgöngu á götum New York
Árangur bandaríska kvennalandsliðsins í fótbolta á heimsmeistaramótinu í Frakklandi vakti mikla athygli á fótbolta og kvennaíþróttum í Bandaríkjunum.
Bandarísku stelpurnar unnu 2-0 sigur á Hollandi í úrslitaleiknum og tryggðu sér annan heimsmeistaratitilinn í röð og þann fjórða frá upphafi.
Bandaríska liðið vann alla leiki sína, setti nýtt markamet á HM, átti tvo af þremur markahæstu leikmönnunum og tvo af þremur bestu leikmönnunum.
Það er því hægt að fagna mörgu þegar kemur að þessu heimsmeistaramóti.
Bandaríska liðið er nú komið heim til Bandaríkjanna og fór í dag í skrúðgöngu í gegnum Manhattan í New York.
Bandaríkjamenn hafa fjölmennt út á götur New York til að fagna hetjunum sínum og það var mikið stuð á Manhattan í dag.
Það má sjá skrúðgöngu stelpnanna hér fyrir neðan.
#WNTParade LIVE! https://t.co/tpH6Wg1cCi
— U.S. Soccer WNT (@USWNT) July 10, 2019
Fleiri útsendingar
Önnur útsending
Tengdar fréttir
Megan Rapinoe horfði beint í myndavélina og talaði til Trump
Megan Rapinoe mætti í sjónvarpsviðtal hjá CNN og fékk tækifæri til að tala beint til Donald Trump Bandaríkjaforseta og hún greip það tækifæri með báðum höndum.
Þjálfarinn nánast orðlaus og besti leikmaður mótsins sagði augnablikið súrrealískt
Jill Ellis var himinlifandi í leikslok og Megan Repinoe, besti leikmaður mótsins, sagði augnablikið súrrealískt.
Bandaríkin heimsmeistarar í fjórða sinn
Bandaríkin unnu Holland, 2-0, í úrslitaleik HM kvenna í Lyon í dag.
Sú besta og markahæsta ætlar ekki í heimsókn til Trump
Hefur vakið mikla athygli fyrir vasklega framgöngu sína á mótinu, sem og gegn Donald Trump.
