Enski boltinn

Jafntefli í fyrsta leik Lampard

Ástrós Ýr Eggertsdóttir skrifar
Frank Lampard á hliðarlínunni
Frank Lampard á hliðarlínunni vísir/getty
Frank Lampard byrjaði stjóratíð sína hjá Chelsea á því að gera jafntefli við írska liðið Bohemians í æfingaleik í gærkvöld.

Michy Batshuayi kom Chelsea yfir strax í upphafi leiksins en undir lokin skorað Eric Molloy, sem er á reynslu hjá Bohemians, jöfnunarmarkið.

Lampard gerði ellefu skiptingar í hálfleik og var með sitt hvort liðið inn á vellinum í hvorum hálfleik. Í báðum hálfleikum stillti hann upp blöndu af reynslumiklum leikmönnum og ungum og efnilegum strákum.

Leikurinn fór fram í Dublin en Chelsea verður þar áfram næstu daga og mætir St. Patrick's Athletic á laugardag. Í næstu viku heldur liðið svo til Japan.




Fleiri fréttir

Sjá meira


×