Enski boltinn

Chelsea staðfestir brottför Sarri

Ingvi Þór Sæmundsson skrifar
Undir stjórn Sarri vann Chelsea Evrópudeildina.
Undir stjórn Sarri vann Chelsea Evrópudeildina. vísir/getty

Chelsea hefur staðfest að Maurizio Sarri snúi aftur til Ítalíu og taki við Juventus. Þetta kemur fram á heimasíðu Chelsea.

Sarri bað um að fá að fara frá Chelsea og félagið varð að ósk hans.

Ítalinn stýrði Chelsea í eitt tímabil. Undir hans stjórn vann liðið Evrópudeildina, lenti í 3. sæti ensku úrvalsdeildarinnar og komst í úrslit deildabikarsins.

Sarri tekur við Juventus af Massimiliano Allegri sem hætti eftir síðasta tímabil. Allegri gerði Juventus fimm sinnum að ítölskum meisturum.

Búist er við því að Frank Lampard taki við Chelsea af Sarri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.